137

ویڈیو: بھارت میں ایک اور تاریخی مسجد شہید

[ad_1]

بھارت مسلم دشمن اقدامات سے باز نہ آیا، ریاست اترپردیش میں قائم تاریخی مسجد کو سڑک چوڑی کرنے کے بہانے شہید کردیا گیا جس کی ویڈیو سوشل میڈیا پر وائرل ہوگئی ہے۔

بین الاقوامی خبر رساں ادارے کی رپورٹ کے مطابق سوشل میڈیا پلیٹ فارم ٹوئٹر پر بھارتی پروفیسر اور یونیسکو کے چیئرپرسن اشوک سوائیں کی جانب سے ایک ویڈیو شیئر کی گئی ہے جس میں یوپی کی ایک سڑک پر قائم مسجد کو ہیوی مشینری کے ذریعے شہید کرتے دیکھا جاسکتا ہے۔

اشوک سوائیں کا اپنی ٹوئٹ میں کہنا تھا کہ تاریخی مسجد کو بھارتی ریاست اتر پردیش میں ایک سڑک چوڑی کرنے کے بہانے شہید کیا گیا ہے۔

مسلم اسپیس نامی ٹوئٹر اکاؤنٹ سے اطلاع دی گئی ہے کہ شیر شاہ سوری کے دور سے قائم یو پی کے شہر الہ آباد کے ہنڈیا نامی گاؤں میں واقع مسجد شہید کردی گئی ہے۔

امام مسجد کے مطابق معاملہ عدالت میں زیر سماعت تھا اور 16 جنوری کو کیس کی سماعت ہونی تھی۔

واضح رہے کہ بھارت میں ترقیاتی کاموں کی آڑ میں مسجد شہید کرنے کا یہ پہلا واقعہ نہیں۔ 28 دسمبر کو گاندھی میدان کے قریب ایک مزار کو بھی غیر قانونی تعمیر قرار دیکر گرا دیا گیا تھا۔

Comments



[ad_2]

Source link

اس خبر پر اپنی رائے کا اظہار کریں

اپنا تبصرہ بھیجیں